غير حجم خط المدونة
+ + + + +

الخميس، يوليو 19، 2012

رمــضآن كــريم ^


=====
===== 
شهر رمضان اللي بنستناه كل سنة بنستناه بالأيام و الشهور و نفضل نحسبله بالساعات والدقايق، فعلاً شهر كريم ؛مليان خير وحب وسلام مليان عطف على الفقراء والأيتام
مليان صدقات و زكاة كتير اوي
مليان صلة رحم و إحسان
مليان صلاة و تروايح و قراءة قرآن؛ فعلا عمران بالخير يا رمضان... لكــــــــن ونحط تحتها ألف خط مع كل الخير ده اللي المفروض يكون جوانا
في ناس مننا غفلانة ، في ناس بعيدة اوي عن ربنا ، في ناس مش بتوصل رحمها ، في ناس " مقرطة " على فلوسها ومش بتتصدق ولا بتزكي كأنها هتاخدها معاها لما تموت
في ناس بتعيش حياتها ومش بتفكر في الغلابة، بالنسبة لكتير مننا شهر رمضان هو فرصة لإصلاح النفوس لكننا بنقصر و بنكسل و مش بننتهز الفرصة دي.. لازم كلنا نعرف ان المحتاج له علينا حق من أموالنا
لازم كلنا نعرف ان في فقير محتاج لقمة عيش تفطره ،محتاج ادوية تعالجه
،محتاج صدقة تفك كربه،
وربنا في كتابه العزيز قال "بسم الله الرحمن الرحيم"شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنْ الْهُدَى وَالْفُرْقَانِ" صدق الله العظيم.

انا نفسي ناخد شهر رمضان شهر للتغيير ،شهر يخلينا نضع قدم على اول الطريق
شهر نصلح فيه نفوسنا، ونشيل السواد من قلوبنا، دي فرصة في السنة وياعالم هنعيشها السنة الجاية ولا لأ ،ما الأعمار بيد الله سبحانه وتعالى
قوم كلم أقاربك و أوصل رحمك
افتح كتاب ربنا وخلي ليك ولو ورد يومي صغير
حب للناس إللي بتحبه لنفسك
خرج صدقة من مالك و أنت عارف و متيقن أنها مش هتنقص مالك لكن بالعكس دي هتباركلك فيه
حاجات كتيرة اوي سهلة بس احنا قافلين السكك قدامنا
شهر الخير فُرصه كبيره... ايامه كلها مُباركه مين فينا هيلحق يعمل حاجة و يغير نفسه قبل ما نلاقي شهر رمضان جه و جري مننا.... جرب تقرب من ربنا في الشهر المبارك ده وانت هتلاقي نفسك بقيت في اول الطريق الصح
والشاطر فينا هو اللي هيكمل للآخر مش بس هيعمل كده في شهر رمضان
كل سنة و انتم طيبين.....
=============
ابتـسـام مُصطفى

6 التعليقات:

Deyaa Ezzat يقول...

كل سنة وانتي طيبة
ويارب رمضان كريم عليكي انتي وكل حبايبك

أحمد أحمد صالح يقول...

أشاركك أمنياتك بخصوص تعاملنا و سلوكياتنا في هذا الشهر الكريم أستاذة إبتسام،و نتمنى أن نداوم على صالح الأعمال..كل عام و انت و الأسرة الكريمة بخير.و تقبل الله منا و منكم

Bent Men ElZman Da !! يقول...

كل سنه وانتى طيبه يا ابتسام
ورمضان كريم عليكى يا جميله :)

ريـــمـــاس يقول...

مساء الغاردينيا ابتسام
كل عام وأنتِ بخير"
؛؛
؛
لروحك عبق الغاردينا
كانت هنا
reemaas

غير معرف يقول...

ماشاء الله

غير معرف يقول...

ما اجمل الاسلام

إرسال تعليق

Template by:

Free Blog Templates

;
Source : http://fr3st.blogspot.com/2012/05/add-shareaholic-sassy-bookmarks-to.html#ixzz1vjUMqRHf