غير حجم خط المدونة
+ + + + +

الخميس، سبتمبر 01، 2011

أنا بتنفس حرية



كانت ملحمة مصرية...... فيها حلم بالحريـــة
عاشــــها 80 مــلـــيون...... روحهم كانت منسية
في شباب وبنات ورجال...... ضحوا لأجل الأجيال
ما تعيش عيشة هنيه

راحوا ميدان التحرير........ هتفوا لأجل الحرية
مشيوا في شوارع مصر....... هتفوا ونادوا بالنصر
هتفوا للظــلم يـــروح ........ هتفوا بنبرة مجروح
من ظلم وقسوة عصر

قالوا 25 ده يوم وأصله أنين من ظلم سنين وسنين
كان يوم و تاريخ لشباب...... حلموا وفتحوا الأبواب
أبواب لحن الحرية

لحن عزفوا الشهداء بدماء ووراها دماء
كله لأجل الحرية

ودماهم روت الأرض.... ....وبدموعنا سقينا الورد
ورد جناين مصرية

رحلة عشناها في يوم وأتنين وتلاتة وميه
كان حلمي في يوم أتنفس ... أتنفس فيكي يا مصر
وأعيش في أحضانك دايما ....من غير ظلم وقصر
وأهي جت 25 كانت ثورة حقيقة... خلتني أعيش من تاني أتنفس بالحرية

أتنفس فيكي يا بلدي وأدوق طعم الوطنية
أنا عايشة..... أنا بتنفس
أنا بتنفس حـــريـــة

4 التعليقات:

تايه يقول...

كل عام انت طيبة

إبتسام مصطفى يقول...

وانت بالصحة والسلامة
شكراً لمرورك وقراءتك :)

سمر يقول...

ناااااااااااااااااااايس تسلم ايديكي ياقمر

الـكـاتـبه/ إبتــسام مـصطفى يقول...

تسلمي يا سمر ،، منوره المدونه

إرسال تعليق

Template by:

Free Blog Templates

;
Source : http://fr3st.blogspot.com/2012/05/add-shareaholic-sassy-bookmarks-to.html#ixzz1vjUMqRHf