-أنــا مــصـر-

مابقتش عارفه أشيل هم مين...!

 همي لـوحدي ولا هم الغلبانين..!

هَـم اللي تاه وسط الزحام ..!

ولا اللي ضاع وسط الغيام..!

ولا الغريب في وحدته! .. والتاني خايف في غربته..

هم المسافر من زمان .. قال جاي يهاجر مـ المكان..

سايبني وحدي ليه يا ابني...

ده أنا بلدك وإنت سندي..

أنا تُهت وسط الغلبانين.. أصل الولاد دول محتاجين..

وطن يساع كل البشر...

وأنا قلت آآآه نطق الحجر...

تعبت منكم يا بشر...

 مبقتش عارفه أشيل هم مين..!

همي لوحدي ولا هم كل مصري من ولادي المصريين...

هم اللي ثــار وسط الميدان...

هم ولادي الحزنانين... خايفين عليا آآه خايفين..

ما أنا أُمهم وهما لمين ؟... ده أنا أصلهم بس منهم ناسين..

إني الــوطن... آه يا زمن ... ضيعت مني سنين في أنين...

لــكن أنا ضايعه معاكم لما تلاقوني هكون وياكم...

 بس أندهوني بـصوت عالي...

وسمعوني ..." بلادي بلادي .. لكِ حبي وفؤادي"..