" لَعــنة الحُــب ! "

===============

هل الحب لعنه؟! ناس كتير هتقول آه الحب لعنه بتفضل معانا مهما العمر فات.....

لكن هل عمرنا بصينا للمعنى الجميل للحب ؟!

 الحب إحساس راقي ربنا وهبه لينا وزرعه جوانا عشان نحب كل حاجة حوالينا ونِحــسْ بالرضا ، ونحب نفسنا بالدرجه اللي تخلينا نعيش حياتنا صح ، نحب أهلنا، أصحابنا وكل حاجة جميله في حياتنا...

والحب أنواع،وأرقى أنواع الحب هو الحُب في الله ، إنك بتحب إنسان في الله من غير ما تعرفه ولا يعرفك ، وحُب تاني زي الحب بين الأصدقاء ، وحب الأهل  وغيرها من معاني الحب الجميله...

لكـن في حُب من نوع تاني بيكون بين إتنين الصُدفه جمعتهم ، والقدر بيكون قاسم لهم يشوفوا بعض، حـُـب من غير ميعاد، عيون إتقابلت وكان ليهم -موعد مع الحُــب- ، الحب ده بيكون حُب بيجمع بين كل أنواع الحب ، وعشان يكون معناه صح لازم يكون مبني على الإحترام ،وعلى التفاهم ، وعلى الموده والأُلفه وغيــرها من أساسيات لإستمرار الحب ده ...

 لكن أسوأ شيئ ممكن تحسه ويحصلك لما تعيش الحب بمعناه الصح وتلاقيه بيدمرك!

أيوه بيدمرك لما تكون إختارت غلط أو إن القدر حكم على الحب ده بالفراق  ساعتها الإتنين بيعيشوا أسوأ لحظات حياتهم وده لو فعلاً بيحبوا بعض بجد

وللحـــب معاني كتير منها عكس بعض !!

==

-الحُب رغم حلاوته مؤلم!  زي الوردة الجميله بتعجبنا ريحتها وشكلها؛ لكــن مليانه شوك !

-الحُب إحساس رائع بنتمنى نـِحسه ونعيشه ؛لكــن في الغالب عمر السعاده قصير!

-الحُب  لُغه بـيفهمها إتنين وبـيترجمها قـلبين؛لكــن ساعات مفتاح القلب بيضيع ومافيش نُسخه إحتياطي!

-الحُب لحظات جميله بنعيشها ؛ لـــكن القــدر لما بيحــكم مبيبقاش في وقت للتفكير!

-الحُب إنك تعشق إنسان مش معاك؛لـــكن لما تفـكر تملكه يكون راح منك!

-الحُب إنتظار ولهفه ؛لــكن أجمل إحساس إن لما يرجع حبيبك تعيش العمر تاني!

-الحُب كلمه من 3حروف ؛لــكن كل حرف جواه ألف معنى!

-الحُب إنك تعشق إسم اللي بتحبه؛لــكن عمرك فكرت تنساه!

==

دي يمكن معاني بسيطه ومتناقضه وفي معاني أكتر للحُب ، لــكن رغم إننا عارفين عواقب الحب إلا إننا بنتمناه ..

سؤالي ليكم هل الحُب لعنه؟ ولا الحــب جنه مش عارفين نوصلها !

من رأي الحـــب زي الصندوق الكبير ، مليان أسرار لـــكن مش سهل نعرفها إلا لو عِشنا جوه الصندوق..

===============