غير حجم خط المدونة
+ + + + +

الخميس، يونيو 28، 2012

نصــيحة النــهارده 3

=========
========
 جربت تحاسب نفسك !
أوقات كتير من كُتر مشاغل الحياة بنتوه مِــن نفسنا ، وبنبقى مش عارفين إحنا فين ووصلنا كِـده إزاي ، بنحس إن كل حــاجة بنعملها مش عارفين هي صح ولا غلط ، بنكون مستنين أي حد نفضفض له وكإننا متعلقين بقشاية علشان نلاقي نفسنا، أحاسيس كتيرة أوي بنمر بيها لكن مش عارفين المشكلة فين بالظبط ..
طب ما تيجي نجرب نحـاسب نفسنا ، نشوف إحنا مقصرين في إيه ، طب إيه الحاجات اللي مدايقانا وعاوزين نغيرها ونبطلها ، حاجات كتيرة أوي مش هتاخد مننا وقت بس هتخلينا نقرب أكتر لــروحنا ~
نصيحتي ليكمـ : إبدأوا من دلوقتي جهزوا ورقة وقلم اكتبوا كل اللي مدايقكم ، وكل اللي بتفكروا فيه ، صاحبوا نفسكمـ ، حــبوها واكتبوا إيه الصفات اللي نفسكمـ تكون موجودة فيها وابدأوا في طريق تحقيقها ، فكروا في حاجات إيجابية أو إنجازات حققتوها علشان تكونوا أقوى وتثبتوا لنفسكمـ إن دي مجرد مرحلة وهتعدي..
المحاولة ثم المحاولة ثم المحاولة هي الحاجة الوحيدة اللي هتقربنا أكتر علشان نوصل للي عاوزينه ^
وفي النهاية حاسبوا نفسكمـ وعاتبوها واشكروها لإن هيجي يوم ومش هنلحق نعمل كل ده ..
ببســاطة : " حــاسبوا أنفسكمـ قبل أن تحــاسبوا "
========

0 التعليقات:

إرسال تعليق

Template by:

Free Blog Templates

;
Source : http://fr3st.blogspot.com/2012/05/add-shareaholic-sassy-bookmarks-to.html#ixzz1vjUMqRHf